مدھیہ پردیش کا تجارتی دارالحکومت کہا جانے والا اندور جہاں زمینوں کی قیمتیں زیادہ ہونے کی وجہ سے بدمعاش اور جعل ساز زمینوں پرناجائز قبضہ کرتے ہیں، ان کے خلاف بھارتیہ جنتا پارٹی کی حکومت سازی کے بعد ہی انتظامیہ نے مہم شروع کر دی ہے۔
اسی کے پیش نظر شہر اندور کے نامور سادھو کمپیوٹر بابا کے خلاف گزشتہ روز کارروائی کرتے ہوئے آشرم کو زمین دوز کر دیا گیا۔ آج ساجد چندن والا کے خلاف کاروائی کرتے ہوئے دو منزلہ مکان اور تین دکانوں کو بھی مسمار کیا گیا۔
اندور نگم آیوکت دیویندر سنگھ نے بتایا کہ ساجد چندن والا انعامی بدمعاش کے خلاف انتظامیہ نے کارروائی کی ہے اس کے چلتے ناجائز قبضے والے دومنزلہ مکان اور دکانوں کو زمین دوز کر دیا گیا ہے اور آگے بھی یہ مہم بدمعاشوں اور ناجائز قبضہ کرنے والوں کے خلاف جاری رہے گی۔