قیدیوں کی پیرول میں اضافہ

مدھیہ پردیش میں کورونا کے دوران جیلوں میں بند قیدیوں کو پیرول پر رہا کیا گیا تھا۔ ایک بار پھر کورونا کے بڑھتے انفیکشن کی وجہ سے ریاست میں قیدیوں کی پیرول دو مہینے کے لیے بڑھا دی گئی ہے۔

ریاست مدھیہ پردیش میں کورونا وبا کے چلتے لاک ڈاؤن نافذ کیا گیا تھا جو مئی میں ختم ہو گیا تھا۔ لیکن جس طرح سے مدھیہ پردیش میں کورونا اپنے پاؤں پھیلا رہا ہے، اسے دیکھتے ہوئے ریاستی حکومت نے عوام کے فائدے کے لیے کئی اقدامات اٹھائے ہیں۔ جس میں یہ بھی شامل ہے کہ ضلع جیل سے ان قیدیوں کو پیرول پر رہا کیا جائے جن کے جرم چھوٹے ہیں اور وہ جیلوں میں بند ہیں۔ اب جبکہ ان قیدیوں کی پیرول ختم ہونے والی ہے۔

ریاستی حکومت کے وزیر داخلہ نروتم مشرا نے آج بیان جاری کرتے ہوئے کہا ہے کہ ریاست مدھیہ پردیش میں کورونا نے پھر اپنے پیر پھیلانا شروع کر دیا ہے۔ جس میں دیکھا جا رہا ہے کی روزانہ 300 کے پار کورونا کے مریضوں کی تعداد بھوپال اندور اور دیگر شہروں سے آرہی ہیں۔

نروتم مشرا، وزیر داخلہ مدھیہ پردیش

اس کے مد نظر ریاست میں رات کا لاک ڈاؤن بھی نافذ کر دیا گیا ہے اور وہ قیدی جنہیں کورونا کے تحت پیرول دی گئی تھی، ان کی پیرول کو اور 60 دنوں کے لیے آگے بڑھا دیا گیا ہے، تاکہ جو قیدی ابھی جیل میں ہیں ان کی حفاظت کی جاسکے۔