ریاست مدھیہ پردیش شدید سرد لہر سے کانپ رہا ہے اور کڑاکے کی ٹھنڈی کی وجہ سے ریاست میں پچھلے دو دن میں تین لوگوں کی موت ہو چکی ہے-
ریاست کے بھنڈ، شیوپوری اور ہردہ میں ایک ایک شخص کی موت ٹھنڈ کی وجہ سے ہو چکی ہے- سب سے زیادہ ٹھنڈ گوالیار میں پڑ رہی ہے- جہاں آج پارا عمومی سے تقریبا پندرہ ڈگری نیچے گر گیا- یہاں زیادہ سے زیادہ درجہ حرارہ 8.3 ڈگری اور کم ازکم 2.2 ڈگری درج کیا گیا ہے- گوالیار شدید سرد لہر کی گرفت میں ہے-
وہی دتیا میں بھی کم از کم درجہ حرارت 2.2 ڈگری ریکارڈ ہوا ہے-
'موسمیات سائنس سینٹر بھوپال' کے مطابق 'ریاست میں 18 شہروں میں میں کم از کم درجہ حرارت 5 ڈگری اور اس سے کم رہا ہے- رائے گڑھ میں سرد لہر چل رہی ہے اور کئی جگہ کہرہ بھی چھایا ہے-'
محکمہ موسمیات کے مطابق 'ایک اور دو جنوری کو دارالحکومت بھوپال سمیت ریاست میں کئی مقامات پر ہلکی بارش یا بوندا باندی ہوسکتی ہے- بھوپال میں آج زیادہ سے زیادہ درجہ حرارت کل کے تناسب میں 0.4 ڈگری بڑھ کر 22.4 اور کم از کم 7 ڈگری درج ہوا ہے- بھوپال میں کل ہلکے بادل رہ سکتے ہیں اور 12 سے 15 کلومیٹر فی گھنٹے کی رفتار سے شمالی اور شمال مشرقی ہوائیں چل سکتی ہے۔'
