اندور میں ایک ہی دن میں کورونا کے 312 نئے مریض سامنے آئے

ریاست مدھیہ پردیش کے صنعتی شہر اندور میں گزشتہ 24 گھنٹوں میں کورونا کے 312 نئے مریض سامنے آئے ہیں، وہیں 6 لوگوں کی موت بھی درج کی گئی ہے۔

صوبے کا صنعتی شہر اندور اب کورونا کا مرکز بن گیا ہے۔ اندور میں کورونا سے متاثرہ مریضوں کی مجموعی تعداد پندرہ ہزار 764 ہوگی ہے، وہیں اب تک 438 لوگوں کی موت بھی واقع ہوگی ہے، جبکہ دس ہزار نو سو انچاس مریض اسپتالوں سے شفایاب ہو کر گھر بھی لوٹ چکے ہیں

اندور میں ستمبر کے مہینے میں مسلسل مریضوں میں اضافہ ہوتا جارہا ہے، آخری آٹھ دنوں میں روز بروز یہاں 2 سو سے زائد مریض سامنے آئے ہیں۔کووڈ نوڈل آفیسر ڈاکٹر امیت مالا کر نے بتایا کہ ہم نے کورونا کی جانچ کے لیے 3245 نمونے لیے تھے، جس میں 2888 کی رپورٹ منفی آئے ہیں، جبکہ 312 کی رپورٹ مثبت آئی ہے۔ ان کو ملا کر اندور میں کورونا سے متاثرہ مریضوں کی مجموعی تعداد 15764 ہو گئی ہے، جس میں 438 کی موت بھی درج کی گئی ہے، جبکہ دس ہزار نو سو چالیس مریض شفایاب ہو کر اپنے گھر بھی لوٹ چکے ہیں اور 4377 مریضوں کا کورونا کا علاج بھی چل رہا ہے ان میں سے بھی ایک تہائی مریض گھروں پر رہ کر علاج کروا رہے ہیں۔