Houses Of 3 Men Demolished گربا پنڈال میں بدامنی پھیلانے کے الزام میں مسلم نوجوانوں کے گھروں پر بلڈوزر کارروائی

ضلع مندسور کے سیتاماؤ تحصیل کے سورجنی گاؤں میں گربا پروگرام کے دوران ایک خاص طبقے کے لوگوں کی جانب سے مبینہ پتھربازی کے الزام میں ایک بڑی کارروائی کی گئی ہے۔ Houses Of 3 Men Demolished

مندسور: مدھیہ پردیش کے ضلع مندسور کے سورجنی گاؤں میں گربا پنڈال میں مبینہ طور پر پتھراؤ اطلاع موصول ہوئی۔ جس کے بعد پولیس نے کارروائی کرتے ہوئے سات افراد کو گرفتار کیا جن میں سے تین کے گھروں پر بلڈوزر کارروائی کی گئی۔

ایس پی انوراگ سوجانیا نے بتایا کہ اطلاع موصول ہوئی تھی کہ سورجنی گاؤں میں دو گروہوں کے درمیان تنازع ہوگیا جس میں گربا پنڈال پر مبینہ طور پر پتھراؤ کیا گیا، جس کے بعد پولیس موقع پر پہنچی اور 19 لوگوں کے خلاف مقدمہ درج کیا گیا، جن میں سات افراد کو گرفتار کرلیا گیا ہے۔ ان میں سے تین افراد کے خلاف بڑی کارروائی کرتے ہوئے پولیس نے بلڈوزر چلا کر ان کے گھروں کو تباہ کر دیا۔ چوبیس گھنٹے کے دوران پولیس کی اس اچانک کارروائی سے پورے علاقے میں خوف و ہراس کا ماحول ہے۔ Houses Of 3 Men Demolished

پولیس نے بتایا کہ تفتیش کے دوران گرفتار کیے گئے جعفر خان، رئیس خان اور محمد اکلو کئی مجرمانہ ریکارڈ ملے ہیں۔ ان کے خلاف مندسور ضلع کے تین تھانوں میں کئی معاملے درج ہیں۔ لہٰذا، پولیس نے انہیں بدامنی پھیلانے کی سازش میں سرغنہ سمجھتے ہوئے ان کے یہ خلاف بڑی کارروائی کی ہے۔ انتظامیہ اور پولیس نے صبح ان کے سورجنی گاؤں میں واقع تینوں مکانات کو خالی کرواکر بلڈوزر چلا دیا۔ اس کاروائی کے دوران سیتاماؤ، سواسرا اور مندسور تحصیلوں کے انتظامی ریونیو اور پولیس افسران موجود تھے۔ Houses Of 3 Men Demolished