پنا:کھیل سے محبت کرنے والوں نے 16 سے 22 دسمبر تک مدھیہ پردیش کے شہر پنا میں ہونے والی نیشنل والی بال خواتین مرد چیمپیئن شپ کا خوب لطف اٹھایا۔ فائنل میچ گجرات اور ہریانہ کی مردوں کی ٹیم کے درمیان تھا۔ اس انتہائی دلچسپ اور کانٹے دار مقابلے میں گجرات کی ٹیم نے ہریانہ کو شکست دے کر ٹائٹل اپنے نام کیا جبکہ مغربی بنگال کی خواتین ٹیم نے راجستھان کی ٹیم کو باآسانی تین۔ صفر سے شکست دے کر کامیابی حاصل کی۔ Gujarat won final of National Volleyball Championship
پنا میں منعقدہ 25ویں قومی والی بال چمپئن شپ کی اختتامی تقریب میں کل شام اپنے ورچوئل خطاب کے دوران وزیر اعلی شیوراج سنگھ چوہان نے کہا کہ مدھیہ پردیش میں کھیلوں کا ایک نیا کلچر پروان چڑھے گا۔ قومی والی بال چیمپئن شپ کی وجہ سے پنا میں جوش وخروش اور جشن کا ماحول ہے۔ یہاں کے تلیا فیلڈ گراؤنڈ کا نام بدل کر جگل کشور جو گراؤنڈ رکھا جائے گا، اسے انڈور اسٹیڈیم بھی بنایا جائے گا۔