حکومت عوامی امورپر بحث نہیں چاہتی: کمل ناتھ

کمل ناتھ نے اپنے ٹویٹ میں کہاکہ ریاستی حکومت نے اسمبلی کے مانسون اجلاس کی مدت چارروزرکھی اورپھر اسے دوروز میں ہی محض چارگھنٹے میں ملتوی کردیا گیا۔

مدھیہ پردیش کے سابق وزیراعلیٰ کمل ناتھ نے بدھ کے روز الزام عائد کرتے ہوئے کہا کہ ریاستی حکومت عوامی مفاد کے امورپر بحث نہیں چاہتی ہے۔

کمل ناتھ نے ٹویٹ کے ذریعہ کہا کہ اس لئے ہی ریاستی حکومت نے اسمبلی کے مانسون اجلاس کے مدت چارروزرکھی اورپھر اسے دوروز میں ہی محض چارگھنٹے میں ملتوی کردیا گیا۔

انہوں نے کہا کہ کانگریس ایم ایل اے سیلاب، مہنگائی، کسانوں کے مسائل اوراس طرح کے دیگرمسائل پر بحث کرنا چاہتے تھے، لیکن ایسا نہیں ہوسکا۔

اسمبلی کامانسون اجلاس پیرکو شروع ہواتھا اورمنگل کو ختم ہوگیا۔ سیشن کے دونوں ہی روز ایوان میں قبائلیوں، مہنگائی اوراوبی سی ریزرویشن کے امورپر زبردست ہنگامہ ہواتھا۔

یواین آئی