Free Medical Camp Organized in Bhopal بھوپال میں سمپتھی تنظیم کی جانب سے مفت طبی کیمپ منعقد

بھوپال کی فعا ل تنظیم سمپھتی فاؤنڈیشن کی جانب سے ضرورت مند اور غریبوں کے لئے آج مفت طبی کیمپ کا اہتمام کیا گیا،اس طبی کیمپ میں میڈیکل چیک اپ کے ساتھ دوائیاں بھی مفت تقسم کی گئی۔

ریاست مدھیہ پردیش کے شہر بھوپال کی فعا ل تنظیم سمپھتی فاؤنڈیشن کے ذریعہ مفت میڈیکل چیک اپ کے لئے میڈیکل کیمپ کا انعقاد کیا گیا جس میں ضرورت مند اور غریب طبقے کے لیے دوائیاں بھی مفت تقسیم کی گئی۔ سمپھتی فاؤنڈیشن کے ذمہ دار فرحان مقرانی نے کہا کہ اب تک تنظیم کے ذریعے 40 فری میڈیکل کیمپ لگائے جاچکے ہیں اور یہ 41 واں ہے۔ انہوں نے مزید کہا کہ تنظیم کا ہمیشہ سے یہ مقصد رہا ہے کی صحت مند معاشرہ رہے۔ اسی کوشش کے تحت سمپھتی فاؤنڈیشن کی جانب سے میڈیکل کیمپ بھوپال کے کئی علاقوں میں لگائے جاتے ہیں، اس میڈیکل کیمپ تمام ڈاکٹر یا پھر طبی شعبہ سے جڑے افراد مفت میں اپنی خدمات انجام دیتے ہیں۔

انہوں نے مزید کہا کہ جو لوگ تنظیم سے جڑ کر اپنی خدمات انجام دیتے ہیں انہیں یہ کہا جاتا ہے سال کے 364 دن خود کے لئے اور ایک دن قوم اور اور ملک کی خدمت کے لیے لگایا جائے۔ اسی طرح دوائیوں کے کاروبار سے جڑے لوگوں سے ہم کہتے ہیں کہ آپ لوگ دوائیوں کے ذریعہ سال بھر اچھی کمائی کرتے ہیں لیکن کچھ پیسہ ان غریب اور ضرورت مند لوگوں کے لئے لگایا جائے جو مہنگی مہنگی دوائیاں خرید نہیں سکتے ہیں۔ اس طرح سے قوم کی وہ لوگ جو انسانیت پر بھروسہ رکھتے ہیں ہمارے اس میڈیکل کیمپ میں مدد کرتے ہیں اور اپنی خدمات کو انجام دیتے ہیں۔

واضح رہے کہ سمپھتی فاؤنڈیشن نے کورونا وبا کے دوران ان ضرورت مند اور غریبوں کے لئے لگاتار میڈیکل سہولیات فراہم کی ہے جس میں تنظیم کے ذمہ دار بھوپال کے جھگی بستیوں میں جا کر دیکھتے تھے اور جہاں بھی لوگ بیمار اور ضرورت مند ہوتے تھے وہاں میڈیکل کی سہولیات فراہم کرتے تھے۔ وہیں تنظیم نے اپنے ذریعہ کورونا میڈیکل کٹ کو ماہرین طب کے ذریعے تیار کی تھی اور جہاں بھی کورونا سے متاثر لوگ پائے جاتے تھے انہیں تنظیم کے ذریعے وہ کورونا کٹ ان کے گھروں پر پہنچائی جاتی تھی۔ اس طرح سمپھتی فاؤنڈیشن لگاتار ضرورت مند اور غریب طبقے کی بچوں کے لئے فری ایجوکیشن ان کو کتابیں ان کی اسکول کی فیس اور وظائف دیتی ہے۔ وہی بزرگوں کے لئے گھر گھر جا کر راشن تقسیم کرنا اور بے روزگار نوجوانوں اور خواتین کے لیے روزگار کے لئے مدد کرتی چلی آ رہی ہے۔
بھوپال کی تنظیم سمپھتی فاؤنڈیشن 2016 سے لگاتار ضرورت مند اور غریب طبقے کے لئے روزگار، صحت، ایجوکیشن کے لیے کام کرتی چلی آرہی ہے جس میں شہر کی معزز شخصیات اپنا تعاون کرتے ہیں۔ اور لوگ جس طرح سے سمپھتی فاؤنڈیشن اپنی خدمات انجام دے رہی ہے اس کی لوگ بڑے پیمانے پر ستائیس کر رہے ہیں۔