بھرت پور میں زہریلی شراب پینے کی وجہ سے سات افراد کی موت کے بعد اب بھلوارہ میں بھی زہریلی شراب نے تباہی مچا دی ہے۔
بھلوارہ کے علاقے سرن کے کھیڈا گاؤں میں زہریلی شراب پینے سے ایک خاتون سمیت چار افراد کی موت ہوگئی۔ پانچ دیگر افراد کی حالت بھی نازک ہے۔
سبھی کو بھلوارہ کے مہاتما گاندھی اسپتال میں داخل کرایا گیا ہے۔
دیہاتیوں میں خوف و ہراس پھیل گیا اور پولیس انتظامیہ میں ہلچل ہے۔ منڈل گڑھ پولیس اسٹیشن علاقے کے ساتھ ساتھ اس طرح کی شراب کو ضلع بھر میں بلا روک ٹوک فروخت کیا جارہا ہے۔
واقعے کی اطلاع ملنے پر ضلعی کلکٹر شیو پرساد ایم نکاٹی ضلع سپرنٹنڈنٹ پولیس وکاس شرما بھی موقع پر پہنچ گئے ہیں۔ اس کے ساتھ ہی متعلقہ تھانہ افسر کو بھی سخت ترین کارروائی کرنے کی ہدایت کردی گئی ہے۔
ضلع سپرنٹنڈنٹ پولیس وکاس شرما نے ای ٹی وی بھارت کے نمائندے سے گفتگو کرتے ہوئے کہا کہ ان شراب مافیاؤں کی روک تھام کے لئے خصوصی آپریشن شروع کیا جائے گا اور سخت کارروائی کی جائے گی۔ اسی دوران بی جے پی کے علاقائی ممبر اسمبلی گوپال کھنڈیل وال بھی جائے واقعہ پر روانہ ہوگئے ہیں۔