مدھیہ پردیش کے ضلع جبل پور میں گزشتہ 19 ستمبر کو ایک چار ماہ کے بچے کو گھر میں سے سوتے وقت اغوا کرلیا گیا تھا اور اس معاملے میں پولیس تیزی سے تفتیش کررہی تھی۔
پولیس نے اس معاملے کا خلاصہ کیا تو سبھی کے ہوش اڑ گئے کیونکہ چار ماہ کے ریہانش کو خود اس کی چچیری دادی نے اغوا کیا تھا اور اسے محض 10 ہزار روپئے میں فروخت کردیا تھا۔
پولیس نے اس معاملے کا خلاصہ کیا پولیس نے ملزمہ رام پیاری سمیت چار افراد کو گرفتار کرلیا اور پوچھ تاچھ میں ان لوگوں نے اپنا گناہ قبول کرلیا، پولیس کے مطابق ملزمہ نے جبل پور کے ایک شخص سنجئے پانڈے کو فروخت کیا تھا۔
اس سے بھی حیران کن بات یہ ہے کہ سنجئے پانڈے اور ان کی بیوی شاردا پانڈے کا ریہانش کو خریدنے سے انکار کرتے رہے لیکن جب ان کا سامنا رام پیاری سے کرایا گیا تو اس جوڑے نے اپنا گناہ قبول کرلیا۔
