ریاست مدھیہ پردیش کے دارالحکومت بھوپال کے اقبال میدان میں عام لوگوں کے ذریعے چلائے جا رہے ستیہ گرہ تحریک میں سابق وزیراعلی دگ وجے سنگھ نے سی اے اے، این آر سی کو لے کر احتجاج کر رہے لوگوں سے اظہار یکجہتی کی۔
اس موقع پر انہوں نے نئے قانون کو غیر ضروری بتاتے ہوئے ملک کے لوگوں کو گمراہ کرنے کی سازش قرار دیا۔
انہوں نے کہا کہ جو قانون ملک کے آئین کے مطابق پہلے سے نافذ تھا، اس میں چھیڑ چھاڑ کرنے کی کیا ضرورت پڑ گئی۔
انہوں نے کہا کہ شہریت کے لیے پہلے سے نافذ 14برس کے پرویزن کو ہٹا کر پانچ برس کر دیا جانا محض ملک کو مذہب اور ذات کے نام پر بانٹنے کی سازش ہے۔
انہوں نے کہا کہ کانگریس کے دور اقتدار میں سیکڑوں لوگوں کو نفع و نقصان کی بنیاد پر شہریت دی گئی۔ سی اے اے اور این آر سی کو لے کر وزیراعظم نریندر مودی اور وزیر داخلہ امت شاہ کے بیانات میں تضادات کے حوالے سے انہوں نے کہا کہ اب سمجھ نہیں آ رہا ہے کہ کون جھوٹ بول رہا ہے اور کون سچ بول رہا ہے۔ یہ لوگ صرف ملک کو گمراہ کر رہے ہیں۔