کمل ناتھ نے سونیا گاندھی کے فیصلے کا خیرمقدم کیا

گزشتہ کچھ روز قبل کانگریس کی عبوری صدر سونیا گاندھی نے یومیہ مزدوروں کی گھر واپسی کو لیکر کہا تھا کہ کانگریس پارٹی ان کے گھر واپسی کے خرچ کو اٹھائے گی۔ جس کو لیکر سابق وزیر اعلیٰ کمل ناتھ نے ان کے اس فیصلے کا خیر مقدم کیا ہے۔

کانگریس کی عبوری صدر سونیا گاندھی نے ملک میں جگہ۔ جگہ پھنسے یومیہ مزدوروں کی ان کے گھر واپسی پر ناکامیاب مرکزی حکومت کے بیان کے بعد سبھی صوبوں کی کانگریس کمیٹیوں کو ان مزدوروں کی مدد کرنے کے لئے آگے آنے کو کہا ہے۔

جس پر صوبہ مدھیہ پردیش کے سابق وزیراعلی کمل ناتھ نے کہا کہ مدھیہ پردیش کےجو مزدور دوسرے صوبوں میں کاموں کے سلسلے میں پھنسے ہیں،جن کی تعداد لاکھوں میں ہے اور انہیں اپنے گھر آنے میں پریشانیاں ہو رہی ہے۔

ساتھ ہی کو کھانے پینے کی اشیاء بھی مہیا نہیں کی جارہی ہے۔ انہوں نے کہا بڑے دکھ کی بات ہے کہ اتنا کچھ ہونے کے باوجود مرکزی اور صوبائی حکومتوں نے ان مزدوروں کے لئے کسی بھی طرح کی سہولیات مہیا نہیں کروائی ہے۔

کمل ناتھ نے سونیا گاندھی کے اس فیصلے کاخیر مقدم کرتے ہوئے کہا کہ سبھی مزدوروں کو ان کے مقام تک پہنچانے کا خرچ کانگریس اٹھائے گی تاکہ مجبور مزدور اپنے گھر جلد سے جلد پہنچ سکیں۔