پلائی ووڈ فیکٹری میں آتشزدگی، لاکھوں کا نقصان

ضلع دھار کے ایک پلائی ووڈ فیکٹری میں آگ لگنے سے لاکھوں روپے کا سامان جل کر راکھ ہوگیا۔

ریاست مدھیہ پردیش کے ضلع دھار کے صنعتی قصبہ پتھم پور کے سیکٹر 3 میں واقع ایک پلائی ووڈ بنانے والی فیکٹری میں نامعلوم وجوہات کی وجہ سے آگ لگ گئی، فیکٹری میں رکھا ہوا پلائی ووڈ مکمل طور پر جل کر خاک ہو گیا، آگ اتنی شدید تھی کہ دور سے ہی اس کی لپٹیں دکھائی دے رہی تھی۔

آگ کی اطلاع پر پتھم پور پولیس اور فائر بریگیڈ کی ٹیم موقع پر پہنچ گئی، مانپور، دھار اور اندور کی فائر بریگیڈ کی 4 ٹیموں نے پلائیووڈ فیکٹری میں لگنے والی آگ پر قابو پا لیا، فیکٹری میں لگی آگ کی وجہ کیا تھی؟ ابھی تک پتہ نہیں چل سکا ہے۔
حالانکہ ریوا پلائیوڈ فیکٹری میں لگنے والی آگ پر قابو پانے کے لیے دیر رات تک بہت مشکت کرنی پڑی، وہیں پلائیووڈ فیکٹری میں آگ لگنے سے لاکھوں روپے کا نقصان ہوا ہے۔