FIR Against Doctor And Hospital اندور میں ڈاکٹر کی مبینہ لاپرواہی سے نوزائیدہ بچے بینائی سے محروم

صنعتی شہر اندور میں بی یو ایم ایس ڈاکٹر کی مبینہ لاپرواہی کے سبب ایک نوزائیدہ بچے کی بینائی چلئی گئی۔ گارجین نے مقامی تھانے میں ڈاکٹر اور مقامی ہسپتال انتظامیہ کے خلاف شکایت درج کرائی ہے۔

اندور: ریاست مدھیہ پردیش کے اندور میں بی یو ایم ایس ڈاکٹر اور ہسپتال انتظامیہ کے خلاف لاپرواہی کا ایک معاملہ سامنے آیا ہے۔ ڈاکٹر کی لاپرواہی کے سبب ایک نوزائیدہ بچے کی بینائی چلی گئی۔ ڈاکٹر کی اس لاپرواہی کے خلاف گارجین نے مقامی تھانے میں شکایت درج کرائی ہے۔ الزام ہے کہ یونانی ڈاکٹر نے حاملہ خاتون کی ڈیلیوری کے دوران مبینہ طور پر لاپرواہی سے کام لیا جس کے بعد نوزائیدہ بچے کی آنکھوں کی روشنی بری طرح سے متاثر ہوئی۔

اس معاملہ میں ایڈووکیٹ حسیب قاضی نے بتایا کہ ایک بی یو یو ایم ایس ڈاکٹر نے الیوپیٹھی طریقے سے ایک حاملہ خاتون کی ڈیلیوری کروائی جبکہ اس ڈاکٹر کو یہ اختیار ہی نہیں تھا۔ اس کے باوجود اُس نے سیدوالہ ہسپتال میں حاملہ خاتون کی ڈیلیوری کروائی جس سے نوزائیدہ بچے کی آنکھوں کی روشنی بری طرح متاثر ہوئی۔ اُس بچے کی ایک آنکھ کی بینائی مکمل طور پر چلی گئی۔ معاملہ درج ہونے کے بعد پولیس نے کارروائی شروع کردی ہے۔

ایڈووکٹ قاضی کا کہنا ہے کہ کنبے پر اس معاملے کو رفع دفع کرنے کے لئے دباو ڈالا گیا لیکن والدین نے انصاف کے لئے قانون کا دروازہ کھٹکھٹایا۔ گارجین کا کہنا ہے کہ وہ نہیں چاہتے ہیں کہ دوسروں کے بچوں کے ساتھ بھی ایسا ہو جیسا ان کے بچے کے ساتھ ہوا۔ ہسپتال اور ڈاکٹروں کی بھی کچھ ذمہ داریاں ہوتی ہیں۔ بچے کے والدین نے ڈاکٹر اور ہسپتال انتظامیہ کے خلاف سخت کاروائی کا مطالبہ کیا۔