'ارکان اسمبلی کی مدد سے بی جے پی کو کیا گیا بے نقاب '

مدھیہ پردیش کے وزیر برائے اعلی تعلیم جیتو پٹواری نے آج کہا کہ ہمارے تمام اراکین اسمبلی نے مل کر بھارتیہ جنتا پارٹی (بی جے پی) کی سازش کو بے نقاب کیا ہے۔

ریاست کی کانگریس حکومت کو گرانے کی مبینہ سازش کے انکشاف کے ایک دن بعد ان کی رہائش گاہ پر مسٹر پٹواری نے میڈیا سے کہا کہ گزشتہ دو تین دنوں میں جو واقعات ہوئے، اس کی مکمل معلومات وزیر اعلیٰ کمل ناتھ کو تھی اور پورا عمل بی جے پی کو بے نقاب کرنے کے لئے تیار کیاگیا تھا۔ دہلی سے واپس آئے چھ اراکین اسمبلی سمیت تمام نے مل کر بی جے پی کی سازش کو بے نقاب کیا ہے۔

پٹواری نے کہا کہ ہمارے تمام رہنما متحد ہیں اور ریاستی حکومت کوکوئی خطرہ نہیں ہے۔ ریاست کی کانگریس حکومت صوبہ کی ہمہ جہت ترقی کے لئے مسلسل کام کر رہی ہے اور بی جے پی اس سازش میں لگی ہے کہ حکومت کو کس طرح پریشان کیا جائے۔ لیکن وہ اس میں کامیاب نہیں ہو گی۔

انہوں نے ایک سوال کے جواب میں کہا کہ مدھیہ پردیش سے راجیہ سبھا کی تین نشستوں میں سے دو کانگریس کے قبضہ میں آئیں گی۔ پارٹی امیدواروں کا ہائی کمان فیصلہ کرے گا۔