کمل ناتھ کے قافلے کے سامنے احتجاج

مدھیہ پردیش کانگریس کے صدر کمل ناتھ کے آج انوپ پور دورے کے دوران بھارتیہ جنتا پارٹی کے کچھ کارکنان نے احتجاج کیا۔

شہڈول ڈویژن کے تحت آنے والے انوپ پور میں کمل ناتھ انتخابی دورے پر تھے۔ ان کا قافلہ نکل رہا تھا، تبھی تقریباً ایک درجن بی جے پی کارکنان نے نعرے بازی کرتے ہوئے احتجاج کیا۔ متعدد کارکنان ہاتھوں میں کالے جھنڈے بھی تھامے ہوئے تھے۔

اس سلسلے میں انوپ پور کے پولیس سپرنٹنڈنٹ ایم ایل سولنکی نے کہا کہ 'احتجاج کے دوران کوئی تشدد کا واقعہ نہیں ہوا۔ اس کے علاوہ سکیورٹی کے بھی ضروری انتظامات کیے گئے تھے۔ وہیں مسٹر کمل ناتھ اپنے دورے کے بعد واپس بھوپال روانہ ہوگئے۔'