بھوپال کی سنی ثقلینی جامع مسجد کے زیر اہتمام خواجہ غریب نواز کے 808 ویں عرس موقع پر جلوس کا اہتمام کیا گیا۔ یہ جلوس شہر کے اشوکا گارڈن, 80 فٹ روڈ ہوتے ہوئے واپس سنی ثقلینی جامہ مسجد پر پہنچ کر اختتام پذیر ہوا۔
مسجد میں فاتحہ خوانی کے بعد لنگر عام کا اہتمام کیا گیا ،اس موقع پر کثیر تعداد میں لوگوں نے شرکت کی-
جلوس میں شامل بھوپال کے تہوار کمیٹی کے صدر اوصاف شامیری خرم اور مسجد کے صدر نور الدین ثقلینی نے بتایا کہ یہ جلوس ہرسال روایتی انداز میں نکالا جاتا ہے جس میں حضرت خواجہ غریب نواز کی چادر شریف صندل مبارک کو ہاتھوں میں لے کر سبھی مذہب کے لوگ شامل ہوتے ہیں-
غور طلب ہے کی اجمیر میں خواجہ غریب نواز کے 808 ویں سالانہ عرس کے موقع پر درگاہ شریف میں چھٹی کے کل کی رسم ہوگی جس میں شرکت کرنے کے لیے زائرین اور عقیدت مند کثیر تعداد میں جمع ہو رہے ہیں -