مدھیہ پردیش اردو اکیڈمی میں بھی صدر عزیز قریشی اور سکریٹری کو ہٹا کر سکریٹری وندنا پانڈے کو بنایا گیا ہے۔
نئے سکریٹری کے آنے کے بعد اردو اکیڈمی میں کیے جانے والے پروگرامز رد کر دیے گئے۔ اکیڈمی میں ہونے والی اعزازی تقریب اور ادیبوں اور شاعروں کے چیک بھی کینسل کردیے گئے۔
جس پر اردو رابطہ کمیٹی نے اردو اکیڈمی کی نومنتخب سکریٹری کے خلاف ریاست مدھیہ پردیش کے وزیر اعلی شیوراج سنگھ چوہان کو خط لکھ کر انہیں ہٹانے کا مطالبہ کیا ہے -
اردو رابطہ کمیٹی کے صدر یونس فرحت نے کہا کہ جس طرح سے اکیڈمی کی سکریٹری ادیبوں اور شاعروں کے ساتھ بدسلوکی کر رہی ہے اسے دیکھتے ہوئے انہیں ہٹایا جائے ورنہ پورے صوبے میں احتجاج کیا جائے گا -
