مطلوبہ ملزم جیتو سونی گجرات سے گرفتار

ملزم جیتو سونی کو اندور کرائم برانچ نے گجرات سے گرفتار کر لیا ہے، کرائم برانچ پولیس نے جیتو سونی کو کرائم برانچ آفس میں رکھا ہے جہاں اس سے پوچھ گچھ کر رہی ہے ۔

اندور: مطلوبہ ملزم جیتو سونی کو اندور کرائم برانچ نے آج گجرات سے گرفتار کر لیا ہے کرائم برانچ پولیس نے جیتو سونی کو کرائم برانچ آفس میں رکھا ہے جہاں اس سے کئی معاملے سے متعلق پوچھ گچھ کی جا رہی ہے۔

بتایا جارہا ہے کہ کرائم برانچ کی ٹیم جیتو سونی کو گجرات سے گرفتار کرکے اندور کے لئے جیسے ہی روانہ ہوئی تبھی شرپسندوں نے کرائم برانچ کے ٹیم پر حملہ کر دیا جس سے گاڑی کو نقصان پہنچا ہے۔

واضح رہے کہ مطلوبہ ملزم جیتو سونی پر 56 سے زائد جرائم کے معاملے درج ہیں جس کی وجہ سے وہ برسوں سے فرار تھا۔ انتظامیہ نے جیتو سونی کی گرفتاری کے لئے 60 ہزار روپے کے انعامات کا بھی اعلان کیا تھا۔

فی الحال پولیس جیتو سونی کو گرفتار کرکے اندور پہنچی ہے اور پوچھ گچھ کر رہی۔ امید ہے کہ کئی معاملے کے خلاصے ہوں گے ۔ جیتو سونی کے گرفتاری کی تصدیق ڈی آئی جی ہری نارائن چاری مشرا نے کی ہے۔