مدھیہ پردیش میں کورونا کیسز میں اضافہ

ریاست مدھیہ پردیش میں 54 دنوں میں 121 کورونا پازیٹیو کیسز درج ہوئے۔ ان میں 70 لوگوں نے ابھی تک ویکسین نہیں لی تھی۔

کورونا ویکسین کی دونوں ڈوز لینا کیوں ضروری ہے۔ اس تعلق سے ہیلتھ ڈپارٹمنٹ اور ضلع انتظامیہ افسران بار بار لوگوں کو سمجھا رہے ہیں لیکن اس کے باوجود لوگوں میں ویکسینیشن کے لیے بیداری نہیں دکھائی دے رہی ہے۔

ویکسینیشن کے لیے بیداری

مدھیہ پردیش میں گزشتہ 54 دنوں میں 121 لوگ کورونا پازیٹیو ہوئے۔ اس میں سے 70 افراد ایسے ہیں جنہوں نے ابھی تک ویکسین کا ایک بھی ڈوز نہیں لیا ہے جبکہ 45 مریض ایسے تھے جو پہلی ڈوز لے چکے ہیں۔ ان میں سے 10 کو ہسپتال جانے کی ضرورت پڑی جبکہ 35 گھر پر ہی صحت یاب ہوگئے۔

کورونا متاثرین میں اکثریت ان لوگوں کی تھی جنہوں نے حال ہی میں سفر کیا تھا اور جانچ کروانے کے بعد وہ مثبت پائے گئے۔

اس کے علاوہ دارالحکومت بھوپال میں 38 ایکٹیو کیس ہیں۔ جن میں کچھ ہوم آئسولیشن میں ہیں اور کچھ کا ہسپتال میں علاج جاری ہے۔