اندور میں کورونا وائرس کے 469 نئے کیسز

مدھیہ پردیش کے ضلع اندور میں کورونا وائرس کے 469 نئے معاملے سامنے آنے کے بعد یہاں متاثرین کی تعداد 27758 ہوگئی ہے۔ اگرچہ ان میں سے 22،742 مریض صحت مند ہوکر اسپتالوں سے ڈسچارج ہوچکے ہیں۔

اندور کے چیف ہیلتھ اینڈ میڈیکل افسر نے گزشتہ شب ہیلتھ بلیٹن جاری کرکے بتایا کہ اب تک کل 3،24،387 سیمپلز کی جانچ کی گئی ہے۔ ان میں گزشتہ روز جانچ کئے گئے 2،255 سیمپل بھی شامل ہیں۔

گزشتہ روز کورونا وائرس کے 469 نئے معاملے آنے کے بعد یہاں وائرس سے متاثرہ مریضوں کی تعداد 27،758 ہوگئی ہے جبکہ بدھ کے روز وائرس سے سات مریضوں کی موت ہوجانے کے بعد اب تک 615 اموات درج کی گئی ہیں۔

دوسری جانب راحت کی خبر یہ ہے کہ اب تک 22،742 مریض صحت ہوکر اپنے گھروں کو واپس ہوچکے ہیں جس کے بعد سرگرم معاملوں کی تعداد 4401 ہے۔