ہسپتال سے فرار کورونا متاثر شخص پکڑا گیا

مدھیہ پردیش کے ضلع اندور کے سرکاری ہسپتال میں زیر علاج کورونا متاثر کے آج صبح فرار ہوجانے سے افراتفری مچ گئی۔حالانکہ بعد میں مریض کو پکڑ لیا گیا۔

سرکاری ذرائع کے مطابق یہاں منورما راجے ٹی بی ہسپتال سے صبح 12بجے 42 سالہ متاثر شخص علاج کے دوران فرار ہو گیا۔ اس کی خبر ملنے پر نگرانی کررہے مہاتما گاندھی میموریل میڈیکل کالج انتظامیہ نے فوری طور پر پولیس اور ضلع انتظامیہ کو اطلاع دی۔30 منٹ کی مشقت کے بعد مریض کو کھجرانہ علاقہ کے تنظیم نگر سے پکڑ لیا گیا۔میونسپل کارپوریشن اب اس علاقہ کو سینیٹائز کررہی ہے۔