یو کے سے اندور پہنچے سبھی 121 مشتبہ افراد کے کورونا سیمپل لئے گئے

یونائٹیڈ کنگڈم (یو کے) سے ہوائی سفر کرکے مدھیہ پردیش کے اندور واپس آئے 121 مسافروں کی محکمہ صحت نے احتیاط کے طور پر نگرانی شروع کردی ہے۔

سرکاری اطلاعات کے مطابق ان مسافروں کی اطلاع محکمہ صحت کو امیگریشن محکمے نے گزشتہ 22 اور 23 دسمبر کو دو فہرستیں سونپی تھیں۔ اس میں اندور ضلع پہنچے 121 مسافروں کو نشان زد کیا گیا تھا۔

ان مسافروں کے کورونا کے سیمپل لے لئے گئے ہیں۔ ان میں سے اب تک 30 کی ٹسٹ رپورٹ سامنے آچکی ہے جس مین ایک 29 سالہ نوجوان متاثر پایا گیا ہے۔

گزشتہ 19 دسمبر کو اندور پہنچے اس نوجوان کو یہاں کے ایک سرکاری اسپتال میں داخل کیا گیا ہے۔ اسکاٹ لینڈ سے واپس آئے اس نوجوان کے پورے کنبے کو ہم آئسولیٹ کیا گیا ہے۔ نوجوان کے سیمپل میں کورونا کے نئی شکل کا پتہ لگانے کے مقصد سے اس کے سیمپل، جانچ کے لئے دلی لیباریٹری بھیجے جارہے ہیں۔ باقی 91 مسافروں کی جانچ کا عمل جاری ہے۔