Controversial Statement بی جے پی کے رکن اسمبلی رامیشور شرما کا متنازعہ بیان

ملک کے موجودہ سیاسی صورتحال میں سیاسی رہنما اورمتنازعہ بیان کا گویا چولی دامن کا رشتہ ہوگیا ہے، آئے دن رہنماؤں کی جانب سے اپنے سیاسی مفادات کے حصول کے لئے مختلف موقع پر متنازعہ بیانات دیئے جاتے ہیں، چند ایام قبل کرناٹک میں ایک تقریب سے خطاب کرتے ہوئے بی جے پی کی رکن پارلیمان پرگیہ سنگھ ٹھاکر نے متنازعہ بیان دیا تھا، اس سے قبل مدھیہ ہردیش کی وزیر اوشا اوشا ٹھاکر نے بھی ایسا ہی بیان دیا تھا۔BJP MLA Rameshwar Sharma advised to keep arms

ریاست مدھیہ پردیش کی وزیر اوشا ٹھاکر،بھوپال کی رکن پارلیمان پرگیہ سنگھ ٹھاکر کے متنازعہ بیانات کے بعد اب بھارتی جنتا پارٹی کے رکن اسمبلی رامیشور شرما نے متنازعہ بیان دیا ہے،انہوں نے اپنے ایک بیان میں لوگوں کو ہتھیار رکھنے کا مشورہ دیا ہے۔ اپنے خطاب میں انہوں نے کہا کہ یہ ہتھیار اپنے دفاع کے لیے رکھے جائیں۔ دوسری جانب محکمہ داخلہ کو موصول ہونے والی انٹیلیجنس ان پٹ پر رامیشور شرما نے کہا کہ ماحول خراب کرنے والوں پر سختی ضروری ہے۔ ایسے لوگوں کو کچل دیا جائے، درحقیقت ریاست کے محکمہ داخلہ کو یہ اطلاع ملی ہے کہ نئے سال پر ریاست میں فرقہ وارانہ ہم آہنگی خراب ہو سکتی ہے۔ اس حوالے سے محکمہ داخلہ نے تمام کلکٹرز اور ایس پیز کو ہدایت جاری کرتے ہوئے انہیں چوکنا اور محتاط رہنے کو کہا ہے۔ BJP MLA Rameshwar Sharma advised to keep arms

خاص طور پر یکم جنوری سے 31 مارچ تک خصوصی احتیاطی تدابیر اختیار کرنے کی ہدایت دی گئی ہیں بدامنی پھیلانے والوں پر این ایس اے (نیشنل سیکیورٹی ایکٹ) لگانے کے احکامات دیئے گئے ہیں۔ بھارتی جنتا پارٹی کے رکن اسمبلی رامیشور شرما نے کہا کہ تمام انٹیلی جنس ایجنسیاں علاقوں میں گھوم رہی ہیں۔ کئی ایسے لوگ ہیں جنہوں نے ریاست کا ماحول خراب کرنے کی کوشش کی ہے۔ انہوں نے کہا راہل گاندھی بھارت جوڑو یاترا پر گئے تھے وہ محبت پھیلا رہے تھے لیکن یاترا کے دوران غداری کے نعرے لگائے گئے ۔

انہوں نے کہا کہ احتیاطی تدابیر اختیار کرنا حکومت کا فرض ہے۔ اسی لیے محکمہ داخلہ نے کلکٹر اور ایس پی کو ہدایت دی ہیں۔ ضرورت اس بات کی ہے کہ اس طرح کے منصوبے رکھنے والوں کو کچل دیا جائے۔ماما کا بلڈوزر مسلسل چل رہا ہے ۔محکمہ داخلہ نے ایک لیٹر جاری کیا جس میں کلکٹر اور ایس پی کو یکم جنوری سے 31 مارچ تک چوکس اور محتاط رہنے کو کہا گیا ہے، رکن اسمبلی شرما نے کہا کہ آئین نے ہر کسی کو اپنے دفاع کے لئے لائسنس یافتہ ہتھیار رکھنے کا حق دیا ہے۔ اپنے دفاع کے لئے ہتھیار رکھیں۔ لوگ سبزیاں کاٹنے کے لئے گھر میں چھریاں رکھتے ہیں لیکن اس کا مطلب نہیں کے کسی شریف آدمی کو ہراساں کیا جائے ۔

بھارتیہ جنتا پارٹی کے رہنماؤں کی جانب سے مسلسل متنازعہ بیانات دیئے جارہے ہیں اور ان بیانات کے دریعہ ایک خاص طبقہ کو نشانہ بنایا جا رہا ہے ۔