بھوپال: کانگریس کارکنان کا بی جے پی حکومت کے خلاف احتجاج

کانگریس کارکنان نے پیٹرول اور ڈیزل کی قیمتوں میں اضافے کے سبب ناراضگی ظاہر کرتے ہوئے احتجاج کیا۔

ریاست مدھیہ پردیش کے دارالحکومت بھوپال میں کانگریس کے صوبائی دفتر پر کانگریس کارکنان نے کانگریس رہنما آصف ذکی کی قیادت میں بھارتیہ جنتا پارٹی کے خلاف احتجاج کیا۔

یہ احتجاج مرکزی اور صوبائی حکومت کے خلاف کیا گیا جس میں صوبے میں لگاتار بڑھتی پیٹرول اور ڈیزل کی قیمتوں پر ناراضگی ظاہر کی ہے۔

کانگریس کارکنان کا کہنا ہے کہ صوبے میں جب کانگریس کی حکومت تھی تو پیٹرول اور ڈیزل کی قیمت 60 سے50 روپے تک تھی ۔پر بھارتیہ جنتا پارٹی کی حکومت جب سے آئی ہے تو پیٹرول اور ڈیزل کی قیمتوں میں لگاتار اضافہ ہورہا ہے۔جو اب 70سے84 روپے فی لیٹر تک پہنچ گیا ہے جس پر کانگریس کارکنان نے کلکٹر کے ذریعے وزیراعظم کے نام میمورنڈم بھی دیا ہے ۔