بھوپال میں حکومت کے خلاف احتجاج کرتے ہوئے کانگریس رکن اسمبلی پی سی شرما نے کورونا وبا کے دوران آئے بجلی بلوں کو معاف کرنے کا مطالبہ کیا۔
کورونا وبا کے دوران بڑھے ہوئے بجلی بلوں کو لے کر کانگریس نے شہر کے سیکنڈ بس اسٹاپ بجلی دفتر پر مظاہرہ کیا Bhopal Congress Protest۔ اس دوران کانگریس نے اضافی بجلی کو نذر آتش کیا۔
کانگریس نے وزیر اعلی شیوراج سنگھ چوہان سے کورونا کے دوران آنے والے بجلی بلوں کو معاف کرنے کا مطالبہ کیا۔ ساتھ ہی اس معاملے کو اسمبلی میں بھی اٹھانے کی بات کہی۔
سابق وزیر اور رکن اسمبلی پی سی شرما نے کہا کہ مدھیہ پردیش کی شیوراج حکومت نے کورونا کے دوران کے بڑے بڑے بجلی بل غریبوں کے گھر بھجوا رہی ہے۔حالانکہ وزیر اعلی نے کہا تھا کہ یہ بجلی بل معاف کریں گے لیکن اب وہی بھیجے جا رہےے ہیں۔
واضح رہے کہ شہر میں بجلی کمپنیوں کے ذریعہ کورونا وبا کے دور میں بجلی بلوں پر سرچارج وغیرہ معاف کر دیا تھا جو اب وصول کیا جا رہا ہے۔ صارفین کو یہ رقم بجلی بل سے علیحدہ یا مین بجلی بلوں میں جوڑ کر دیئے جا رہے ہیں اور یکمشت ادا کرنے پر کچھ رعایت بھی دی گئی ہے۔