مہنگائی کے خلاف کانگریس کا 20 فروری کو مدھیہ پردیش بند

ملک میں لگاتار پٹرول، ڈیزل اور رسوئی گیس کی بڑھتی قیمتوں کے خلاف کانگریس پارٹی نے 20 فروری کو مدھیہ پردیش میں ریاست گیر بند کا اعلان کیا ہے۔

مدھیہ پردیش میں کانگریس نے 20 فروری کو ایندھن کی بڑھتی قیمتوں اور مہنگائی کے خلاف ریاست گیر بند منانے کا فیصلہ کیا ہے۔ بھوپال میں بند کو کامیاب بنانے کے لئے رکن اسمبلی عارف مسعود کی قیادت میں بڑی تعداد میں لوگوں نے شہر میں پیدل مارچ نکالا اور لوگوں سے بند کی حمایت دینے کی اپیل کی۔

۔

پیدل مارچ جنسی چوراہی سے شروع ہوکر مختلف راستوں سے ہوتے ہوئے اتوارا میں اختتام پذیر ہوا۔

ریلی کے راستوں میں دکانداروں اور کاروباریوں نے جگہ جگہ استقبال کیا اور اپنی حمایت کا بھروسا بھی دیا۔

وہیں، کانگریس کے ہی رکن اسمبلی پی سی شرما نے اپنے کانگریس کارکنان کے ساتھ چولہا جلا کر روٹی بنا کر اور گیس سلنڈر پر پھول مالہ چڑھا کر مخالفت کی۔

کانگریس کارکنان مہنگائی کی مخالفت میں نعرے تحریر کردہ تختیاں لے کر چل رہے تھے، تو وہیں چولہے پر روٹیاں جلا کر حکومت کے خلاف احتجاج درج کرا رہے تھے۔

اس موقع پر رکن اسمبلی عارف مسعود نے پٹرول کی قیمتوں میں اضافے کو لے کر مرکزی اور ریاستی حکومت کی شدید تنقید کرتے ہوئے کہا کہ حکومت کو عام لوگوں کی فکر نہیں ہے۔