نئی دہلی: مدھیہ پردیش اور چھتیس گڑھ میں انتخابی مہم کے آخری دن کانگریس صدر ملکارجن کھرگے، پارٹی رہنما راہل گاندھی اور پرینکا گاندھی واڈرا مختلف علاقوں میں سات عوامی ریلیوں سے خطاب کریں گے۔ کانگریس قائدین کے مطابق پارٹی سربراہ ملکارجن کھرگے آج مدھیہ پردیش میں تین عوامی ریلیوں سے خطاب کریں گے۔
جبکہ کانگریس رہنما راہل گاندھی چھتیس گڑھ میں دو عوامی ریلیوں سے خطاب کریں گے۔ پہلی عوامی ریلی بیمیٹارا میں جبکہ دوسری ریلی بلودہ بازار کے علاقے میں ہوگی۔ کانگریس کی جنرل سکریٹری پرینکا گاندھی واڈرا مدھیہ پردیش میں انتخابی مہم میں ہوں گی جہاں وہ دتیا اور سیدھی میں عوامی ریلیوں سے خطاب کریں گی۔
مدھیہ پردیش اور چھتیس گڑھ میں کانگریس اور بی جے پی دونوں ہی انتہائی سرگرمی سے انتخابی مہم میں مصروف ہیں۔ بی جے پی کے لئے وزیراعظم نریندر مودی لگاتار ریلیوں سے خطاب کررہے ہیں۔ جبکہ کانگریس پارٹی کے صدر ملکارجن کھرگے، راہل گاندھی اور پرینکا گاندھی ان دو ریاستوں میں انتخابی مہم میں مصروف ہیں۔