Baba Ramdev Controversial Remarks : کانگریس اور سماج وادی پارٹی نے بابا رام دیو کے بیان کی مزمت کی

مسلم مذہبی، سیاسی، سماجی قائدین نے بابا رام دیو کے اسلام اور مسلمانوں سے متعلق متنازع بیان کی مذمت کرتے ہوئے ان (یوگ گرو) کے خلاف کڑی کارروائی کا مطالبہ کیا۔ انہوں نے بیان کو ملک کے امن و امان کے خلاف قرار دیا۔ Baba Ramdev Controversial Remarks

بھوپال:یوگا گرو بابا رام دیو کے اسلام اور مسلمانوں کے تعلق سے متنازع بیان کے سبب ملک کے مسلمانوں میں ناراضگی پائی جا رہی ہے۔ مسلمانوں کے مذہبی و سیاسی سماجی قائدین نے شدید رد عمل کا اظہار کرتے ہوئے رام دیو کے بیان کو نفرت آمیز مذہب مخالف قرار دیا۔انہوں نے حکومت سے رام دیو کے خلاف سخت کاروائی کا مطالبہ کیا جا رہا ہے۔

مدھیہ پردیش کانگریس کے جنرل سیکریٹری منور کوثر نے پریس کانفرنس کو خطاب کرتے ہوئے بابا رام دیو کو لاعلمی اوت جھوٹ پر مبنی بتایا۔ انہوں نے کہاکہ اسلام کو سمجھے بغیر مذہب کے بارے میں بیان دینا ملک میں نفرت اور دانستہ گمراہی پھیلانے والا ہے جو ملک کے مفاد میں نہیں ہے۔نماز نیکی کے لئے ہے نہ کہ بدی کے لئے۔ نماز انسان کو نیک آدمی بناتی ہے۔

بابارام دیو کے الزامات کو مسترد کرتے ہوئے منور کوثر نے کہا کہ اسلام نے مذہب سے پہلے عورت کی عزت کرنا سکھایا گویا وہ (عورت) خواہ کسی مذہب کی ہی کیوں نہ ہو۔ اسلام کسی بھی عورت یا لڑکی کو بےعزت کرنے، اٹھانے کی اجازت نہیں دیتا، بلکہ جو انسان ایسا کرے وہ اسلام کے مطابق ظالم ہے۔۔ ایسا کرنا گناہ ہے۔اس کے لئے سزا بھی متعین ہے۔

انہوں نے واضح کیا کہ نماز ہر مسلمان پر فرض ہے۔ سچا مسلمان نماز ادا کرنے کے بعد ہر طرح کے گناہ سے دور رہتا ہے۔ کوئی بھی مذہب گناہ یا ظلم نہیں سکھاتا۔ مجرمین کو کسی بھی مذہب سے جوڑنا ٹھیک نہیں ہے کیونکہ جرائم پیشہ ہر مذہب میں ہوتے ہیں۔ اس لئے کسی بھی مذہب کو ٹارگٹ ناکیا جائے۔

سماجوادی پارٹی کے سینئر ترجمان شمس الحسن نے کہاکہ یہ وہی بابا رام دیو ہے جنہوں نے خواتین کے کپڑے پہن کر بھاگنے کا کام کیا تھا۔ یہ وہی رام دیو بابا ہے جنہوں نے کہا تھا 48 رکعت اور 96 سجدے کرنے والا کبھی ان فٹ نہیں ہو سکتا۔ اب انہیں رام دیو بابا کے سر بدلے نظر آرہے ہیں۔

انہوں نے کہا کہ نماز پڑھنے والے گناہ کرتے ہیں لیکن سب سے بڑے گناہ گار ملک میں بابا رام دیو ہے۔ بابا رام دیو جس طرح سے کمائی کر رہے ہیں اس کی جانچ کی جانا چاہئے۔ ملک کے پر امن ماحول اور قومی یکجہتی کو خراب کرنے والے بابا رام دیو کو سخت سزا ہونی چاہیے۔

شمس الحسن نے کہا باباوں نے اس ملک کا خرابہ کر رکھا ہے۔ جس طرح سے دوسرے بابا جیلوں میں بند ہے ویسے ہی بابا رام دیو کو بھی سلاخوں کے پیچھے بند کر دینا چاہیے۔ شمس الحسن نے کہا بغیر کسی تاخیر کے بابا رام دیو کو اقلیتی طبقہ سے معافی مانگنا چاہیے۔

انہوں نے کہا اگر بابا رام دیو معافی نہیں مانگتے ہیں تو ریاست میں جتنے بھی بابا رام دیو کی پتنجلی کے پروڈکٹ مارکیٹ میں ہے ان کی مخالفت کرتے ہوئے ان دکانوں کو بند کروا دیں گے۔ انہوں نے کہا کہ جس طرح کی زبان کا استعمال بابا رام دیو نے کیا ہے اس کے خلاف ہم سڑکوں پر اتر آئیں گے۔

واضح رہے گی بابا رام دیو نے راجستھان کے باڈمیر میں ایک مذہبی جلسے میں اسلام اور مسلمانوں کے تعلق سے انتہائی متنازع بیان دیتے ہوئے کہا کہ دین اسلام کا مطلب صرف نماز پڑھنا ضروری ہے اور نماز پڑھنے کے بعد جو کچھ بھی کرو سب جائز ہے۔ بابا نے مکرر کہا کہ اسلام کا مطلب صرف نماز پڑھنا ہے۔ ہندو لڑکی کو اٹھاؤ یہ جہاد کے نام پر دہشت گردی بنو۔ جو ذہن میں آئے کرو۔ بابا نے جنت پر بھی تبصرہ کیا اور کہا کی جنت کا مطلب ٹخنوں سے اوپر پاجامہ پہننا، مونچھیں کاٹنا اور ٹوپی پہننا ہے۔