بھوپال: کووڈ 19 سے نمٹنے کے لیے انتظامیہ کمر بستہ

ریاست مدھیہ پردیش کے دارالحکومت بھوپال میں کورونا وائرس کے پیش نظر 31 مارچ تک مکمل لاک ڈاؤن کا اعلان کر دیا گیا ہے۔

بھوپال میں کورونا وائرس کے تین مشتبہ مریض پائے جانے پر انہیں بھوپال کے ایمس ہسپتال میں داخل کرایا گیا ہے،کرونا وائرس کے مزید نا پھیلنےکے لیے انتظامیہ سخت اقدامات کر رہی ہے۔

بھوپال کے کلکٹر ترون پتھوڑے نے بھوپال کو 31 مارچ تک لاک ڈاؤن کرنے کا اعلان کیا ہے جس سے بھوپال کے تمام راستے بند کر دیے گئے ہیں، ساتھ تھی ہی بھوپال میں جگہ جگہ پر کورونا وائرس سے بچنے کے لیے لوگوں کو بیدار کیا جا رہا ہے اور اس وائرس سے متاثرین کے اہل خانہ اور ان کے علاقوں کو خاص طور سے سینیٹائز کیا جا رہا ہے۔

اس کے علاوہ بھوپال میں لوگوں کی ضرورت کی اشیاء کو چھوڑ کر سبھی پر ہجوم علاقوں میں مکمل بند اور کرفیو نافذ کردیا گیا ہے۔