شیوراج بجلی صارفین کے ساتھ ویڈیو کانفرنسنگ کریں گے

چوہان نے ٹویٹ کے ذریعہ سے بتایا کہ 'لاک ڈاؤن کے دوران ریاست کے 97 لاکھ سے زیادہ بجلی صارفین کو بجلی بل میں 623 کروڑ روپے سے زیادہ کی راحت مہیا کی گئی ہے۔'

ریاست مدھیہ پردیش کے وزیراعلی شیوراج سنگھ چوہان آج شام بجلی صارفین اور عام لوگوں کے ساتھ ویڈیو کانفرنسنگ کے ذریعہ بات چیت کریں گے اور بجلی کے صارفین کو حکومت کی طرف سے دی جانے والی امداد سے آگاہ کریں گے۔ ریاستی حکومت نے کورونا بحران کے دوران 97 لاکھ سے زائد بجلی صارفین کو 623 کروڑ روپے کی امداد دی ہے۔

چوہان نے ٹویٹ کے ذریعہ سے بتایا کہ 'لاک ڈاؤن کے دوران ریاست کے 97 لاکھ سے زیادہ بجلی صارفین کو بجلی بل میں 623 کروڑ روپے سے زیادہ کی راحت مہیا کی گئی ہے۔'

وہیں وزیر اعلی شیوراج سنگھ چوہان شام 3 بجے وزارت میں مختلف علاقوں کے عوامی نمائندوں سے ملاقات کریں گے اور شام 4:00 بجے وزیر اعلی بجلی صارفین کے ساتھ ویڈیو کانفرنسنگ کے ذریعے گفتگو کریں گے۔ شام ساڑھے 4 بجے وزیر اعلی شیوراج سنگھ چوہان ریاست میں کورونا بحران اور اس کے انتظامات پر جائزہ اجلاس کریں گے۔

واضح رہے کہ 'مدھیہ پردیش کی 22 اسمبلی نشستوں پر ضمنی انتخابات ہونے والے ہیں۔'