پولیس سپرنٹنڈنٹ سنیل کمار پانڈے نے بتایا کہ ملزم کو ہتھکڑی لگاکر بازار سے کورٹ پیدل لے جانے کے معاملے میں مہیشور کے سٹی انسپیکٹر حاکم سنگھ پوار کو لائن حاضر کردیاگیا ہے۔انہوں نے کہا کہ یہ سپریم کورٹ کی ہدایات کے خلاف ہے۔
منڈلیشور سب ڈیویژنل افسر(پولیس)معاملے کی ابتدائی جانچ کرکے انہیں رپورٹ سوپیں گے اور اس کی بنیاد پر آگے کی کارروائی ہوگی۔
مہیشور کانگریس نائب صدر شفیع الدین شیخ کو معذوروں کی شادی کی رقم کے دھوکہ دہی سے جڑے معاملے میں گرفتار کیاگیاتھا۔اس کے بعد ملزم کو کل ہتھکڑی لگا کر تقریباً آدھا کلومیٹر دور کورٹ تک پیدل لے جایاگیا تھا۔
واقعہ کا ویڈیو سوشل میڈیا پر وائرل ہوگیا۔اس کے خلاف ملزم کے گھروالوں اور کانگریس کے کئی کارکنان نے مہیشور تھانے کا محاصرہ کیا۔محاصرے کی قیادت کرنے والے ریاستی کانگریس کے سکریٹری ارجن سنگھ ٹھاکر نے الزام لگایا کہ پولیس کیس جھوٹا ہے۔انہوں نے الزام لگایا کہ پورے معاملے کےپیچھے وزیر کابینہ اور مہیشور رکن اسمبلی وجئے لکشمی سادھو کا ہاتھ ہے۔