کیمسٹ ایسوسی ایشن کے ضلع صدر کی خودکشی

مدھیہ پردیش کے ضلع شيو پور کے ایک ادویات تاجر اور ضلع کیمسٹ ایسوسی ایشن کے صدر نے راجستھان کے ایک ریلوے اسٹیشن پر ٹرین کے آگے کود کر خود کشی کر لی ۔

ضلع کوتوالی کے سامنے گاندھی چوک پر ادویات ہول سیلر پرشوتم گپتا نے گزشتہ شام راجستھان کے اندرگڑھ سمیرگنج منڈی ا سٹیشن دہلی- ممبئی ٹریک پر مال گاڑی کے آگے کود جان دے دی ۔

پولیس ذرائع نے عینی شاہدین کے حوالے سے بتایا کہ گزشتہ روز پرشوتم گپتا اپنی موٹر سائیکل سے شيو پور سے 80 کلومیٹر دور اندرگڑھ اسٹیشن کے نزدیک پہنچے اور وہاں سے نکل رہی مال گاڑی کے آگے کود گئے۔ ان کی جائے حادثہ پر ہی موت ہو گئی۔

راجستھان پولیس نے موٹرسايكل کا نمبر دیکھ کر شيو پور پولیس سے رابطہ کیا ۔ لاش کو دیر رات پوسٹ مارٹم کے بعد یہاں لایا گیا ۔بتایا جا رہا ہے کہ پرشوتم گپتا کی دو بیٹیاں اور دو داماد ڈاکٹر ہیں ۔ وہیں ان کا بیٹا بنگلور میں انجنیئر ہے ۔ ان کی آخری رسومات آج ادا کی جائیں گی ۔ میڈیکل سٹور ایسوسی ایشن نے آج بازار بند رکھے ہیں۔