Chaopal pe Mushaira: چوپال پہ مشاعرہ، اردو کو فروغ دینے کی جانب اہم قدم

بھوپال کی تنظیم ہم ایک ہیں کی جانب سے چوپال پہ مشاعرہ Chaopal Pe Mushaira منعقد کیا گیا جس میں بھوپال اور اطراف کے شعراء نے شرکت کر مشاعرے کو کامیاب بنایا۔

ریاست مدھیہ پردیش کے دارالحکومت بھوپال کی تنظیم ہم ایک ہیں کے زیر اہتمام چوپال پہ مشاعرہ Chaopal Pe Mushaira منعقد کیا گیا جس میں متعدد شعرا نے اپنے کلام سے سامعین کو محظوظ کیا۔

بھوپال کے ممتاز شاعر منظر بھوپالی کی تنظیم 'ہم ایک ہیں Ham Ek Hain' کے ذریعہ 'چوپال پہ مشاعرہ' کا انعقاد کرنے کا مقصد ہے کہ اردو کو شہر سے گاؤں کی جانب لائی جائے۔

چوپال پہ مشاعرہ میں کلام پیش کرنے والے شعراء:

عظیم عصر

آج کہہ دے یا کل کہیں گے ہم

چاند ہی کا بدل کہیں گے ہم

ایک مدت سے کچھ کہا ہی نہیں

تم ملو تو غزل کہیں گے ہم

۔۔۔۔۔۔۔۔۔۔۔۔۔۔۔۔۔۔

سراج احمد سراج

پاس تم کو بیٹھا کے دیکھ لیا

سب کو دشمن بنا کے دیکھ لیا

سر پٹختی رہی تنہائی

ہم نے گھر کو سجا کر دیکھ لیا

جب غزل پاس سے کوئی گزری

ہم نے بھی گنگنا کے دیکھ لیا

۔۔۔۔۔۔۔۔۔۔۔۔۔۔۔۔۔۔۔۔

ڈاکٹر محمد اعظم

برائے سخن ہم نے لکھا بہت ہے

پسند آیا ایک شعر اتنا بہت ہے

نہیں زہر کی تھیلی انسان کے منہ میں

زباں سے مگر وہ اگلتا بہت ہے

عجیب حال میں ہے محفلیں ادب کی

سخن کم ہنر کم تماشا بہت ہے

۔۔۔۔۔۔۔۔۔۔۔۔۔۔۔۔۔۔۔

بدر واسطی

ان گلیوں میں رہتے تھے کچھ سچے لوگ

کتنے سیدھے سادھے تھے وہ ٹیڑھے لوگ

میں تو سب کو ساتھ لے کر چلتا ہوں

پھر بھی ساتھ میں رہ جاتے ہیں کتنے لوگ

بارش میں اب دھوپ چمکنے لگتی ہے

موسم بھی ویسے ہوتے ہیں جیسے لوگ

۔۔۔۔۔۔۔۔۔۔۔۔۔۔۔

منظر بھوپالی

ہم ساری حدیں دل سے مٹانے میں لگے ہیں

کس ارض کو آکاش بنانے میں لگے ہیں

پھولوں کے لیے زخم بھی کھانا ہے ضروری

ہم لوگ قرض چکانے میں لگے ہیں

کیا ہوگیا لوگوں کو محبت نہیں کرتے

یہ کس کے لیے خون بہانے میں لگے ہیں

لگتا ہے کسی اور جانب ہے توجہ

وہ روز میرے دل کو دکھانے میں لگے ہے

۔۔۔۔۔۔۔۔۔۔۔۔۔۔۔۔۔۔

ڈاکٹر مہتاب عالم

کنارے سے نا جب کشتی لگے گی

کیسے چڑھتی ندی اچھی لگے گی

اگر جینا پڑا ہم کو بچھڑ کر

بتاؤ زندگی کیسے لگے گی

جلے گا تو ہمارا گھر جلے گا

تمہیں تو روشنی اچھی لگے گی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ضیاء فاروقی

روایتوں میں چلو چل کے بود و باش کریں

فقیر لب پہ چلو دعا تلاش کریں

جو سو گئے ہیں گھنی چھاؤں کے شجر سارے

تو برق خشک ہی سحر میں تلاش کریں

نہیں ملے گی اندھیرے سے نجات مجھے

کہ شام سو گئی ہے سیاہ رات مجھے

۔۔۔۔۔۔۔۔۔۔۔۔۔۔۔۔۔۔۔۔

مقبول واجد

اصلیتوں کو نظریں حکایت نہ کر سکے

تبدیل اپنے خون کی رنگت نہ کر سکے

مجبور ہوگئے ہیں زمینوں کو اوڑھ کر

با ظرف تھے خوشامد منت نہ کر سکے

برسوں سمندروں کی تہوں میں رہے مگر

ہم اختیار موجوں کی صورت نہ کر سکے

۔۔۔۔۔۔۔۔۔۔۔۔۔۔۔۔۔

ظفر صہبائی

چڑھے گی دھوپ تو سایہ شجروں سے نکلے گا

میرے نصیب کا ساحل بھنور سے نکلے گا

وہ سب کے ساتھ محبت نبھانے والے ہیں

یہ دیکھنا ہے کہ سورج کدھر سے نکلے گا