Khelo India Youth Games بشریٰ خان نے ایتھلیٹکس میں سونے اور چاندی کا تمغہ جیتا

مدھیہ پردیش میں کھیلو انڈیا یوتھ گیمز کا آج ساتواں دن ہے۔ اب تک ہریانہ ان کھیلوں میں سب سے زیادہ تمغے جیت کر پہلے مقام پر ہے۔ وہیں، مہاراشٹر دوسرے نمبر پر اور میزبان مدھیہ پردیش تیسرے نمبر پر ہے۔ وہیں مدھیہ پردیش کے لیے ایتھلیٹ بشریٰ خان نے سونے اور چاندی کے تمغے جیتے۔ Bushra Khan won gold in Khelo India

بھوپال:مدھیہ پردیش کی ایتھلیٹ بشریٰ گوری خان نے کھیلو انڈیا یوتھ گیمز میں ایتھلیٹکس کے 3000 میٹر اور 1500 میٹر دوڑ میں سونے اور چاندی کے تمغے جیتے ہیں۔ بشریٰ گوری خان سیہور کی رہائشی ہے۔ انہیں 11 سال کی عمر میں سیہور سے بھوپال کی اسپورٹس اکیڈمی لایا گیا تھا۔ ان کے والد کا گزشتہ سال مئی میں انتقال ہو گیا تھا جس کے بعد بشریٰ خان ٹوٹ گئی تھی۔ لیکن ریاستی حکومت نے انہیں خود اعتمادی دی جس کی وجہ سے وہ میدان میں واپس آگئیں۔ بشریٰ خان کہتی ہیں، 'میرے والد کا انتقال مئی 2022 میں ہوا تھا۔ اس کے بعد میں نے کھیل چھوڑ کر سیہور واپس آنے کا فیصلہ کیا تھا، لیکن وزیر کھیل یشودھرا راجے سندھیا نے مجھے بلایا اور سمجھایا۔

یشودھرا راجے سندھیا نے کہا کہ اگر تم اس طرح ہمت ہارو گی تو اپنے مرحوم والد کا خواب کیسے پورا کرو گی۔ جس کے بعد بشریٰ نے دوبارہ ٹریک پر واپس آکر تاریخ رقم کردی ہے۔ بشریٰ خان کے علاوہ مدھیہ پردیش کی نشیتا اور ریا نے اجین میں منعقدہ لڑکیوں کے آرٹسٹک پیئر یوگاسن ایونٹ میں گولڈ میڈل جیتا۔ ایم پی کی خواتین کی باسکٹ بال ٹیم نے کانسی کا تمغہ جیتا ہے۔ مدھیہ پردیش کے کھلاڑیوں نے کیکنگ اور کینوئنگ میں تمام تمغے جیتے۔ ٹیبل میں ہریانہ 21 گولڈ سمیت 44 تمغوں کے ساتھ پہلے، مہاراشٹر 20 سمیت 64 تمغوں کے ساتھ دوسرے اور مدھیہ پردیش 18 گولڈ سمیت 44 تمغوں کے ساتھ تیسرے نمبر پر ہے۔