'بی جے پی پاکستان کی بات کرکے عوام کو گمراہ کر رہی ہے'

بھارتی ریاست مدھیہ پردیش کے دارالحکومت بھوپال میں وزیراعلی کمل ناتھ نے جھابوا میں کانگریس امیدوار کانتی لال بھریا کی جیت پر عوام کا شکریہ ادا کیا۔

انہوں نے کہا کہ جھابوا کی عوام کا اس لیے بھی شکریہ کیونکہ وہاں کی عوام نے سچائی کا ساتھ دیا ہے۔

وزیراعلی کمل ناتھ نے کہا کہ ہم نے گزشتہ دس مہینے میں وہ کر دکھایا ہے جس سے عوام کے دل میں ہمارے لیے جگہ بن گئی ہے۔

انہوں نے کہا کہ ووٹرز کو اس بات کا احساس ہو گیا تھا کہ بی جے پی کو انہوں نے جیت دلا کر غلطی کی تھی۔

وزیراعلی کمل ناتھ نے بی جے پی پر سخت تبصرہ کرتے ہوئے کہا کہ' بی جے پی پاکستان کی بات کرکے عوام کو گمراہ کرنے کی کوشش کررہی تھی، تاہم عوام کو اب سمجھ آگیا ہے اور انہوں نے ضمنی انتخابات میں بی جے پی کی نظریعہ کو انکار کرتے ہوئے اپنا فیصلہ سنایا ہے'۔