بی جے پی کی سینئر رہنما اوما بھارتی نے ٹویٹ کرتے ہوئے کہا کہ، 'میں آپ کو جانکاری یہ دے رہی ہوں کہ میں نے آج اپنی پہاڑ کی یاترا کے اختتام کے آخری دن میں کورونا ٹیسٹ کی ٹیم کو بلویا کیوں کہ مجھے گزشتہ 3 دن سے ہلکا بخار تھا۔'
انہوں نے کہا کہ'میں نے ہمالیہ میں کووڈ -19 کی تمام قانونی اور معاشرتی دوری کا خیال کیا اس کے باوجود میں کورونا مثبت پائی گئی ہوں۔'
یہ بھی پڑھیں: کووڈ-19 کی جانچ کے لیے دیسی ٹیسٹ کٹ تیار
انہوں نے کہا 'میں ابھی ہری دوار اور رشیکیش کے وندے ماترم کنج کے قرنطینہ میں ہوں، جو میرے کنبے کی طرح ہیں۔ میں 4 دن بعد دوبارہ ٹیسٹ کراؤں گی اور اگر صورتحال یکساں رہی تو ڈاکٹروں کی مشاورت کے مطابق فیصلہ کروں گی۔ میرے رابطے میں جو بھی بھائی بہین آئے ہیں ان سب سے میری اپیل ہے کہ وہ اپنا کرونا ٹیسٹ کروائیں اور احتیاط برتیں۔'
