بھوپال: کانگریس کارکنان پر واٹر کینن کا استعمال

زرعی قوانین کے خلاف احتجاج کررہے کانگریسی کارکنان پر آنسو گیس کے گولے اور واٹر کینن کا استعمال کیا گیا احتجاجی لکشمی سنگھ نے کہا کہ ہم آنسو گیس اور واٹر کینن سے ڈرنے والے نہیں ہیں تحریک اور تیز ہوئی ہے۔

ریاست مدھیہ پردیش کے دارالحکومت بھوپال میں زرعی قوانین کے خلاف کسان تحریک کی حمایت میں احتجاج کر رہے کانگریس کارکنان پر واٹر کینن اور آنسو گیس کے گولے داغے گئے۔ دارالحکومت میں آج کانگریس نے زرعی قوانین کے خلاف زبردست احتجاج کیا ہے۔

کانگریسی مظاہرین جب راج بھون کا گھیراؤ کرنے کے لیے بڑھ رہے تھے تو پولیس نے قابو کرنے کے لیے بیری کیڈ لگا کر واٹرکینن اور آنسو گیس کے گولے داغے، جس سے کانگریس مظاہرین شدید زخمی ہوگئے۔

کانگریس رہنما لکشمی سنگھ کا کہنا ہے کہ احتجاج کامیاب ہے اور ہم آنسو گیس اور واٹر کینن سے ڈرنے والے نہیں ہیں تحریک اور تیز ہوگئی ہے۔

واضح رہے کہ جب سے زرعی قوانین نافذ ہوئے ہیں تب سے ہی کسانوں کے ساتھ کانگریس اس کی مخالفت کر رہی ہے۔ آج کے مظاہرے میں صوبے کے سبھی کانگریسی سینیئر رہنماؤں نے شرکت کی۔