بھوپال: تلاش جوہر پروگرام میں شام موسیقی کا پرکیف سماں

مدھیہ پردیش اردو اکیڈمی اور محکمہ ثقافت کے زیر اہتمام 'تلاشِ جوہر' پروگرام کے اختتامی روز دوسرے سیشن میں بھی فنکاروں نے موسیقی کے ذریعے سامعین کو محظوظ کیا۔

ریاست مدھیہ پردیش کے دارالحکومت بھوپال میں مدھیہ پردیش اردو اکیڈمی اور محکمہ ثقافت کے زیر اہتمام 23 اور 24 مارچ 'تلاش جوہر' نام سے پروگرام کا انعقاد کیا گیا۔

اس پروگرام کے دوسرے روز سیشن میں بڑی تعداد میں نئے شعرا نے حصہ لیا۔ پروگرام کے دوسرے سیشن میں شام موسیقی کے تحت لطیف عارف خان نے اپنی فنکارانہ صلاحیت پیش کی۔ انہوں نے ملک کی قومی یکجہتی پر بہترین کلام پیش کیا۔

مل گئے جب ہمارے قدم سے قدم

راستوں میں اجالے بچھا دیں گے ہم

چاہے دو صبا اس صبا کی قسم

اپنی دھرتی سے نفرت مٹا دیں گے ہم

ایک مٹی ہے وہ جس سے ہم سب بنے

ایک لہو ہے جو سب کی رگوں میں ہے

ایک دوجے پر پھر ہم کیوں کریں ستم

مل گئے جب ہمارے قدم سے قدم

ہم کو صوبوں کی سرحد سے کیا واسطہ

اپنا سورج کے جیسا ہے ایک راستہ

دیپک جلائیں گے انجمن میں ہم

مل گئے جب ہمارے قدم سے قدم