بھوپال: یکم جنوری سے سی اے اے کے خلاف مسلسل احتجاج جاری

ریاست پردیش کے دارالحکومت بھوپال میں یکم جنوری سے بھوپال کے تاریخی اقبال میدان پر بھوپال کی عوام شہریت ترمیمی قانون کے خلاف لگاتار احتجاج کر رہی ہے۔

بھوپال میں یکم جنوری سے اقبال میدان میں سی اے اے، این آر سی اور این پی کے خلاف جاری ستیہ گرہ میں ہر روز نئے افراد کو شامل کرکے لوگوں کو اس کے بارے میں آگاہ کیا جارہا ہے-

اب تک بہت سارے دانشوران، شعراء رضاکار تنظیموں سے وابستہ افراد و ڈاکٹرز وغیرہ کی ٹیموں نے یہاں اپنی موجودگی اور احتجاج درج کرایا ہے، یہاں پر صحافت لائیو پر گفتگو کی گئی۔

اس دوران بھوپال کے علاوہ ستیا گرہ سائٹ پر بہت سی سینئر صحافی موجود تھے، صحافیوں نے اس قانون کو آئین مخالفت اور حکومت کا من مانی فیصلہ قرار دیا۔

انہوں نے اس قانون سے ناراض لوگوں کی تعداد کو ملک بھر میں تحریک سے جوڑ دیا، صحافیوں نے یہ بھی کہا کی یہ ملک تاریخ کا ایک پہلا ایسا قانون ہے جسے نافذ کرنے کے لیے حکومت کو لوگوں کے پاس جانا پڑے گا۔