مدھیہ پردیش کے دارالحکومت بھوپال کی رکن پارلیمان پرگیہ سنگھ ٹھاکر نے کورونا وائرس کے پیش نظر پورے ملک میں جاری لاک ڈاؤن پر عمل کرنے کی اپیل کی۔
انہوں نے کہا کہ 'کورونا وائرس انتہائی سنگین معاملہ بن چکا ہے اور بھارت اس بیماری پر قابو پانے کی پوری کوشش کر رہا ہے۔
پرگیہ سنگھ نے کہا کہ 'کورونا وائرس کی روک تھام کے لیے وزیراعظم نریندر مودی نے جو اقدام اٹھائے ہیں اس کی تعریف عالمی ادارہ صحت نے بھی کی ہے۔
وہیں مدھیہ پردیش کے وزیراعلی شیوراج سنگھ چوہان نے عہدہ سنبھالتے ہی اس بیماری پر قابو پانا اپنا مقصد بنا لیا ہے اور ہمیں ان کا ساتھ دینا ہے۔
انہوں نے کہا کہ 'سب کو اپنے علاقوں، اسمبلی حلقوں اور صوبے کی حفاظت کرنا ہے اور کوئی بیمار نہ ہو اس بات کی کوشش کرنی ہے اس کے لیے ہر طرح کے حفاظتی انتظامات کی ضرورت ہے۔
شیوراج سنگھ چوہان نے کہا کہ 'ہم نے ضلع انتظامیہ، ہسپتال،ریلوے اور ایئر پورٹ افسران سے بات کی ہے کہ کس طرح کے انتظامات کئے جاسکتے ہیں اور ان سب حالات کو دیکھتے ہوئے ان سب کے لیے ایک کروڑ روپے دینے کا اعلان کرتے ہیں۔