سمبھاونا ٹرسٹ کا یوم تاسیس

ریاست مدھیہ پردیش کے دارالحکومت بھوپال میں گیس متاثرین کی تنظیم 'سمبھاونا ٹرسٹ' نے اپنے یوم تاسیس کے موقع پر گیس سانحہ کی کہانی کو عوام کے سامنے پیش کرنے کا فیصلہ کیا ہے۔

تنظیم کے ذمہ دار نے بتایا کہ صدی کے سب سے بڑے بھوپال گیس سانحہ کی کہانی کو عوام کے سامنے لانا بے حد ضروری ہے۔ اس سانحہ میں ہزاروں کی تعداد میں لوگوں کی موت ہوئی تھی۔

سمبھاونا ٹرسٹ نے اس موقع پر ایک نمائش کا اہتمام کرنا کا بھی فیصلہ کیا ہے جس میں 1984 میں 2 اور 3 دسمبر کی درمیانی رات پیش آئے بھوپال گیس حادثے کو مختصر فلم اور پوسٹر کے ذریعے بیدار کیا جائے گا، ساتھ یہ بھی بتایا جائے گا کہ اس حادثے کے شکار لوگ کس طرح کی بیماریوں اور پریشانیوں کا سامنا کررہے ہیں۔

سمبھاونا ٹرسٹ کی کنوینر عزیزہ سلطان نے کہا کہ تنظیم اس موقع پر اس بات کی معلومات بھی دے گی کہ ٹرسٹ ان گیس متاثرین کے لئے کیا کام کررہی ہے اور گیس متاثرین کے علاج کے لئے فنڈ کہاں سے جمع کرتی ہے۔