بی بی ایم تنظیم کی جانب سے ضرورتمندوں میں روزگار فراہم

زکوۃ کے پیسوں سے بی بی ایم گروپ ضرورت مند لوگوں کو روزگار کے راستے ہموار کررہا ہے، اس ضمن میں آج تنظیم نے خواتین کے درمیان سیلائی مشین تقسیم کی ہے۔

ریاست مدھیہ پردیش کے دارالحکومت بھوپال میں تنظیم 'بردر ہوڈ فور مسلمز' ( بی بی ایم گروپ) گزشتہ سال سے مسلسل لاک ڈاؤن میں ضرورت مندوں اور غریبوں کو مدد پہنچانے کا کام کر رہی ہے۔

یہ تنظیم نے غریب، بے سہاروں کے درمیان فوڈ پیکٹ کے ساتھ ساتھ راشن، ادویات، آکسیجن سلینڈر اور مفت کفن تک مہیا کروا رہی ہے، جس کو دیکھتے ہوئے لوگوں نے ماہ رمضان میں بی بی ایم گروپ کو کثیر تعداد میں زکوٰۃ کے پیسے دیے تاکہ لوگوں کی مدد ہوسکے۔

تنظیم نے اسی پیسے سے ضرورت مندوں کو روزگار فراہم کرنے کی نسبت سے آج متعدد خواتین کے درمیان سلائی مشینیں تقسیم کی ہے تاکہ وہ اپنے پیروں پر کھڑا ہوسکے۔

اس تعلق سے تنظیم کے ذمہ داران کا کہنا تھا کہ ابھی تو یہ شروعات ہے آنے والے وقت میں تنظیم کی جانب سے بڑی تعداد میں روزگار فراہم کیا جائے گا، جس میں کرانہ دکان، بیوٹی پارلر اور بوٹیک جیسے روزگار شامل ہیں۔