وزیراعلیٰ کا باغلی کو ضلع بنانے کا اعلان

ریاست مدھیہ پردیش کے وزیراعلیٰ شیوراج سنگھ چوہان نے آج کہا کہ ضلع دیواس کے تحت آنے والے باغلی کو ضلع بنایا جائے گا۔

چوہان نے یہ اعلان یہاں بی جے پی کے سینئر رہنما اور سابق وزیراعلیٰ کیلاش جوشی کی سالگرہ پر ان کے مجسمے کی نقاب کشائی کے موقع پر منعقد پروگرام سے خطاب کرتے ہوئے کیا۔

اس موقع پر راجیہ سبھا کے ممبر پارلیمان جیوتی رادتیہ سندھیا اور ریاستی بی جے پی صدر وشنودت شرما ، سابق وزیر دیپک جوشی اور دیگر عوامی نمائندے بھی موجود تھے۔

اس سے پہلے جوشی کے مجسمے کی نقاب کشائی کی گئی تھی۔

چوہان نے ٹویٹ کرتے ہوئے کہاکہ سابق وزیراعلیٰ کیلاش جوشی کی سخت محنت کی وجہ سے ہی بی جے پی ایک بڑی پارٹی کے طور پر نظر آرہی ہے۔

جوشی جی نے ہمیشہ ہمیں سچائی اور عوام کی خدمات کے راستہ پر چلنے کی ترغیب دی۔

آج ان کے آبائی گاوں ہاٹ پیپلیا میں ان کے مجسمہ کی نقاب کشائی کرکے میں خود کو خوش قسمت سمجھتا ہوں۔

آج بھلے ہی وہ ہمارے بیچ میں نہیں ہیں لیکن اپنے خیالات کے ذریعہ وہ ہمیشہ ہمارے دلوں میں زندہ رہیں گے۔

ہم ہمیشہ ان کے بتائے ہوئے راستے پر چلنے کی کوشش کریں گے۔