عارف مسعود کی پریس کانفرنس میں راکھی کی تقسیم

بھوپال سے رکن اسمبلی نے پہلے تو تہواروں کے دوران نافذ کیے گئے لاک ڈاؤن کی مخالفت کی، اور اب انہوں نے راکھی تقسیم کی ہے۔

ریاست مدھیہ پردیش کے دارالحکومت بھوپال کے مرکزی اسمبلی حلقے کے رکن اسمبلی عارف مسعود نے پہلے تو تہواروں کے دوران لگے دس دن کے لاک ڈاؤن کی مخالفت کی تھی کہ تہواروں میں لاک ڈاؤن نہ لگایا جائے، لیکن ریاستی حکومت نے اس جانب توی نہیں دی۔

اب عارف مسعود نے پریس کانفرنس کرکے اپنے اسمبلی حلقے میں غریب بستیوں میں رکشابندھن کٹ تقسیم کروائی اور کہا میری بہنوں کو پریشان ہونے کی ضرورت نہیں ہے ان کا تہوار کسی بھی حال میں متاثر نہیں ہوگا-

بھوپال سے رکن اسمبلی عارف مسعود نے راکھی تقسیم کی

عارف مسعود نے کہا کہ رکشا بندھن ایک پاک تہوار ہے جس میں بہن اپنے بھائی کی ہاتھ پر راکھی باندھ کر اس سے تحفظ کا وعدہ لیتی ہے، اس لیے انہیں کسی طرح کی پریشانی نہ ہو اس لیے آج انہوں نے اپنے مرکزی اسمبلی حلقے میں 20 ہزار رکشا بندھن کٹ تقسیم کروائی، جس میں کٹ میں راکھی، ناریل، رومال، اور دیگر اشیاء شامل ہیں۔

آج صبح سے ہی ان کے کارکنان کے ذریعہ گھر گھر رکشا بندھن کٹ پہنچا رہے ہیں تاکہ برادرران وطن اپنا تہوار منا سکیں-