بھوپال:مدھیہ پردیش کے وزیراعلی شیوراج سنگھ چوہان سے آج یہاں اسٹیٹ بینک آف انڈیا کے چیف مینیجنگ ڈائریکٹر (مدھیہ پردیش، چھتیس گڑھ) امیش پانڈے نے ملاقات کی۔
اس دوران وزیراعلی سے امیش پانڈے سے اسٹریٹ وینڈرس کے لئے نافذ قرض منصوبوں کی پوری کوشش کے ساتھ منظوری دینے کی اپیل کی۔
سرکاری اطلاع کے مطابق خصوصی طورپر سوانیدھی یوجنا جسے وزیراعظم اسٹریٹ وینڈرس آتم نربھر نیدھی بھی کہا جاتا ہے، کے سلسلے میں تفصیل سے بات چیت ہوئی۔ اس کے ساتھ ہی وزیراعلی دیہی پتھ وکریتا یوجنا کے معاملوں کی منظوری اور منصوبے پر عمل درآمدگی کے بارے میں بھی بات چیت کی۔
وزیراعلی نے کہا کہ ریاستی سطح کی بینکرس کمیٹی کی آئندہ میٹنگ میں یوجنا کے تحت رقم کی تقسیم کے حالات کا تفصیل سے جائزہ لیا جائےگا۔
چوہان نے کہا کہ 'یہ غریبوں کی بہبود کا منصوبہ ہے۔ چھوٹے تاجر جو شہروں اور گاؤں میں ریڑی اور سڑک کے کنارے گمٹی یا ٹھیلا لگا کر چھوٹا موٹا کاروبار کرتے ہیں، انہیں آسانی سے قرض کی مدد ملے، اس کے لئے کوششیں بڑھائی جائیں۔ حال ہی میں ایسے معاملوں میں منظوری میں تاخیر ہونے کی شکایتیں کچھ ضلع میں موصول ہوئی ہیں۔