ماب لنچنگ کے شکار کے اہل خانہ کو مالی مدد

ریاست مدھیہ پردیش میں پسماندہ طبقے سے تعلق رکھنے والے بچوں کے قتل کے بعد سابق مرکزی وزیر جیوتی رادتیہ سندھیا نے متاثرہ کے اہل خانہ سے ملاقات کر کے مالی مدد کا اعلان کیا۔

ریاست مدھیہ پردیش کے ضلع شیوپوری کے بھاؤ کھڑی گاؤں میں کھلے میں رفع حاجت کرنے گئے دو دلت بچوں کو پیٹ پیٹ کر قتل کر دیا گیا تھا۔

اس واقعے کے 18 دن بعد سابق مرکزی وزیر جیوتی رادتیہ سندھیا نے ان کے اہل خانہ سے ملاقات کی، متاثریں کے اہل خانہ نے جیوتی رادتیہ سندھیا سے شہر میں مکان کا مطالبہ کیا، جس کے 18گھنٹے بعد ہی سندھیا نے انہیں پی ایچ کیو لائن میں سرکاری کوارٹر دلا کر چابی خود انہیں سونپی۔

اسی کے ساتھ سندھیا نے ریاست کے وزیر اعلی کمل ناتھ کو بھی خط لکھا جس میں متاثرین کے اہل خانہ کو 50۔50 لاکھ روپے کی مدد اور 10۔10بھیگا زمین دینے کا مطالبہ کیا ہے۔

ساتھ ہی انہوں نے کہا 'شیو پوری کی عوام سے میرا دل کا رشتہ ہے لیکن جس طرح سے اسمبلی انتخابات کے نتائج آئے اس سے میرے دل کو چوٹ پہنچی ہے۔