ریاست مدھیہ پردیش کے دارالحکومت بھوپال میں 'مدھیہ پردیش اردو اکیڈمی' کی جانب سے 'اقبال سماروہ' 9نومبر کو منعقد کیا جا رہا ہے۔
اس پروگرام میں معروف موسیقار احمد حسین اور محمد حسین اپنے فن کا مظاہرہ کریں گے-
آئندہ 9 نومبر کو یہ تقریب 'رویندن بھون' میں منعقد ہوگی-
اس تقریب میں مصوری مقابلہ، بیت بازی اور کتابوں کی نمائش جیسی سرگرمیاں ہوں گی- اس کے علاوہ شام غزل کی بھی محفل منعقد ہوگی۔
اکیڈمی کے سیکریٹری ڈاکٹر حسام الدین فاروقی نے بتایا کہ مقابلہ مصوری کا عنوان اس بار علامہ اقبال اور پنڈت جواہر لعل نہرو پر مرکوز ہے- اس مقابلے میں بارہویں کلاس تک کے طلباء شامل ہو سکتے ہیں، مصوری مقابلے کے لیے خواہش مند طلبا کو اپنے رجسٹریشن اردو اکیڈمی کرانے ہوں گے-
