Corona Alert in Madhya Pradesh: مدھیہ پردیش میں کورونا کے نئے ویریئنٹ کا الرٹ جاری

مدھیہ پردیش میں کورونا کے نئے ویریئنٹ کا الرٹ جاری کردیا گیا ہے (ایکس ای XE) ویریئنٹ اومیکرون کی دونوں قسموں سے زیادہ خطرناک ہے، وزیر داخلہ نروتم مشرا نے کہا کہ ہم ہر ویرینٹ سے لڑنے کے لیے تیار ہیں۔ Corona alert issued in Madhya Pradesh

مدھیہ پردیش میں کورونا کی چوتھی لہر کا خطرہ تیزی سے بڑھ رہا ہے۔ پڑوسی ریاستوں میں کورونا کے نئے ویرینٹ (XE) کے معاملات سامنے آنے کے بعد سے مدھیہ پردیش کے تمام اضلاع میں الرٹ جاری کر دیا گیا ہے۔ مدھیہ پردیش ہیلتھ کمشنر سدام کھاڑے نے تمام ضلع مجسٹریٹ کو ہدایات دی ہے کہ وہ کورونا کے نئے ویریئنٹ کے تعلق سے چوکسی اختیار کریں (XE) ویرینٹ کی تیزی سے پھیلنے کی امید ہے۔ Corona alert issued in Madhya Pradesh

ہیلتھ کمشنر نے کورونا کے (XE) ایکس ای ویریئنٹ سے متاثر مریضوں کی مسلسل نگرانی کرنے کے لیے بھی کہا ہے، تمام اضلاع کو بھیجے گئے حکم نامہ میں کہا گیا ہے کہ ریاستی سرویلانس یونٹ، صحت اداریں، آئی ایچ آئی پی پورٹل، میڈیا یا کسی اور ذرائع سے کورونا کے مریضوں کی معلومات موصول ہونے پر جلد از جلد نگرانی کی جانی چاہیے۔

کورونا مریضوں کے ٹیسٹ کے لیے آر ٹی پی سی آر کے نمونے لئے جائے، ضلع میں کورونا کے مریضوں کی تعداد بڑھنے پر بلاک سطح پر منصوبہ بندی کی جائے، کورونا کے حوالے سے ضلع سطح پر روزانہ مانیٹرنگ اور جائزہ لیا جائے-(ایکس ای XE) ویرینٹ اومیکرون کی ذیلی اقسام بی اے 1 بی اے 2 سے دس گناہ زیادہ تیزی سے پھیلتا ہے،اس لئے سبھی کو اپنے ضلع کا خیال رکھنا ہے۔

مزید پڑھین:

(ایکس ای XE) ویرینٹ کی علامت بھی اومیکرون سے ملتی جلتی ہو سکتی ہے، (ایکس ای XE) کی علامت تھکاوٹ، چکر آنا، سر درد، گلے میں خراش، بخار، جسم میں درد، ناک کا بہنا اور اسہال کا تجربہ کیا جا سکتا ہے۔ اس کے علاوہ (ایکس ای XE) سے متاثر مریض کورونا کی طرح سونگھنے اور ذائقے کی کمی بھی محسوس کر سکتے ہیں۔

وہیں ان تمام حالات کو دیکھتے ہوئے وزیر داخلہ نروتم مشرا نے صحافیوں سے بات کرتے ہوئے کہا کہ ہمارا دھیان کورونا سے نہیں ہٹا ہے ہم ریاست میں آنے والی ہر لہر کے لیے تیار ہیں۔ ریاست میں لگاتار کورونا کو لیکر مانیٹرنگ کی جا رہی ہے۔ ٹیسٹ ہو رہے ہیں اور سبھی باتوں کا خیال رکھا جا رہا ہے۔