ریاست مدھیہ پردیش کے دارالحکومت بھوپال میں مرکزی حکومت کے زراعتی بلز پاس کیے جانے کے بعد عام آدمی پارٹی نے مخالفت شروع کر دی ہے۔ ان کا کہنا ہے کہ اس بل سے منڈیوں کو خطرہ ہے۔ دوسرا اس بل سے کالابازاری ایکٹ کو بھی خطرہ ہے اورتیسرا اس بل کا اثر چھوٹے کسانوں پر زیادہ پڑے گا۔
عام آدمی پارٹی اس کے لیے سڑک سے لے کر سنسد تک احتجاج کر رہی ہے۔ ساتھ ہی مدھیہ پردیش کے ہر اضلاع میں بھی آج اس بل کے خلاف احتجاج کیا جا رہا ہے۔
عام آدمی پارٹی کے رہنما پنکج سنگھ نے کہا، 'وزیراعلی شیوراج سنگھ چوہان بھی ایک کسان کے بیٹے ہیں اور خود بھی کسان ہیں۔ اس لئے انہیں یہ سوچنا چاہئے تھا کہ کسانوں کے اوپر اس کا کیا اثر پڑے گا۔'
زراعتی بلز کے خلاف عام آدمی پارٹی نے احتجاج کیا مزید پڑھیں:
انہوں نے کہا، 'اس کالے قانون کو مرکزی حکومت کو بل واپس لینا پڑے گا، کیونکہ اس بل سے کسانوں کی پریشانیوں میں اضافہ ہونے والا ہے۔ اگر ان بلز کو واپس نہیں لیاجاتا ہے تو اس احتجاج کو بہت آگے تک لے کر جایا جائے گا۔
